Rydningsrøysfelt som kan delast i to. Den eine delen ligg som perler på ei snor, medan den andre hopen ligg i ring. Stort sett alle er lagt opp rundt eller på jordfaste steinar. Rada inneheld ca 8 røyser som strekkjer seg 15 m. Røysene har jamn form og storleik. Dei er frå 3 til 6 m i tverrsnitt, men sjeldan over 4,5 m. Høgda er 0,3 m. Steinane er frå hovudstore til noko større. Ringen har eit tverrsnitt på rundt 10 m og inneheld om lag 8 røyser. Desse er mindre enn dei andre røysene, også mindre steinar. Ein del bjørketre har blitt planta i dette røysfeltet 5-10 år før det vart registrert. I NA er ringen skada av ein traktorveg.