Å. Årli: "I søndre ende av garden Oksefjell ligg det nokre store steinar like ved vegen til Røyseland (Røynestad?). Den største av desse er kalle Oksesteinen. Det heiter i eit gamalt sagn at attmed desse steinane brukte dei underjordiske å samla buskapen sin. Dersom bøndene ikkje kunne få kalv i kyrne sine så kunne dei berre leia dei fram til den store steinen og så gå ifrå dei der, då kunne dei vera sikre på at kyrne vart med kalv. Dei kalvane som kom etter desse underjordiske oksane vart alltid gode trivelege dyr. Denne steinen vart kalla Oksesteinen og heiter det den dag i dag."