S1 står fram som ei svakt markert rektangulær flate, som måler 6,6 x 4,4 meter. Djupna på tufta måler 40 cm. Tufta er attgrodd av mose og lyng. Veggvollar er ikkje synlige, men enkelte steinar stikk opp. I det sørvestlige hjørnet er tufta forankra i ein stor stein. Eit prøvestikk vart gravd i tufta i 2000. Prøvestikket vart opna att i 2009 for å ta ut ei kolprøve (Beta 261716). Under cirka 10 cm torv fanst det linser av sterkt forvitra trekol i eit lag med lys grå sand (lag 2 og 3). Under lag 2 og 3 var det raudlig, trekolhaldig mineraljord, som var om lag 20 cm tjukt (lag 4). Trekolprøva vart tatt ut frå lag 4. Under lag 4 var det eit lag med stein som vart avløyst av eit lag med lys grå/gul silt.