I område 1 strekk det seg ein omlag 26 m lang steinstruktur, på det breiaste er den 5-6 m. Strukturen har karakter av å vere ein samanrasa steingard, avbroten av steinrøyser på minst 3 stader. Røysene har eit tverrmål på mellom omlag 2-5 m. Strukturen er bygd opp av både store og små steinar. Ved sidan av røysene er det nedsenkingar i terrenget og spreidde steinar, dette kan vere tufter. Røysene kan minne om rydningsrøyser, men med store myrdrag like ved verkar ikkje intensiv rydding i dette området truleg. Grunna vegetasjon var det vanskeleg å få fullstendig oversikt over steinstrukturen.