Slak berghylle i ein søraustleg vendt bakke ned mot Hellandstraumen. Her er lyng og torvmyr vegetasjon. Flaten ligg rett ved eksisterande hyttefelt. Området er delvis kuppert med svaberg stikkande opp i dagen. Mykje vassig i frå myra. Lokaliteten er påvist på ein flate der bergskoltar og større stein har lagt att noko morenemasser.Det er relativt vått på funnstaden, men dette kan skuldast årstida registreringa vart gjort på då vegetasjonen ikkje såg ut til å vera vasserodert. Funnstaden er liten i utstrekning og har sett ut ifrå prøvestikka få funn. Det er ikkje observert noko kulturlag eller liknande på lokaliteten.