Gropa sine indre mål er 2,0 meter N - S og 0,9 meter A - V. Det er ein låg voll omkring og denne er vèl 1 meter breid. Djupna på anlegget er bort mot 90 cm. Noko stein ligg i kanten av gropa. Ingen teikn til trekol i gropa eller vollen. I området er det tett bjørkeskog, noko brake, men i A ligg ei fin graskledd myrflate. Det er to funksjonar som er mest sannsynlege. Anten er dette ei kolgrop, sjølv om det ikkje er påvist trekol, eller så kan det vere ei skytestilling frå andre verdskrigen. Det er hevda av lokale kjentfolk at A:3 (hesteskoforma nedgraving V for Hesjabakksmyrane) er ei kanonstilling. Frå området der A:37 ligg er det svært godt oversyn opp mot Seljestadjuvet, så det er ikkje utenkjeleg at det er restar etter ei skytestilling.