Lokalitet 12 ligg på eit område som i dag er dyrka mark/beite. Stratigrafien viser då også dette. Lag 1 er eit 10-15 cm tjukt torvlag. Lag 2 er eit 10 - 20 cm tjukt dyrkningslag som er svært omrota. I ps 1 har ein eit lag 3 med lys sand før ein kjem ned på eit markert kollag. Dette er vel 3 cm tjukt. Det er nærliggjande å sjå lag 3 i samband med ei mogeleg utvasking av lag 4. Ein kan då sjå funna i samanheng med desse laga og ein har her eit mogleg kulturlag. Denne stratigrafiske situasjonen er ikkje synleg i ps 2 lenger vest. her har ein berre eit funnførande lag 3 samansett at grå sand. Lokaliteten er relativt liten, vel 60 m2. Det er gjort få funn på lokaliteten, men ei smalflekke i rhyolitt viser at ein har ein tidlegneolittisk bruksfase på lokaliteten. Talet funn gjer at ein truleg ikkje har meir enn ein fase. Høgda over havet er på vel 12 meter.