Steinkvelvbru over Optedalsåne, bygd i 1892 under leiing av Karl Abrahamsson Botna / Hæstad frå Helleland sokn. Ho er den einaste steinkvelvbrua i Vest-Agder med smijernsrekkverk. Seinare blei det bygd betongplatebru over flaumlaup i kvar ende. Dei tre bruene er til saman 43 m. Flaumlaupet på eine sida har ljosvidd 3 m, steinkvelvbrua har 6,6 m ljosvidd, og flaumlaupet på den andre sida har ljosvidd 2 m. Brua er 2,9 m brei, men vegen nedanfor er 1,9 m. Brua blei restaurert i 1993.