Eldgamal tuft i vest, truleg etter uthus, fordi Mittingågren og Sjåltakjet ligg nedanfor. Resten av lokaliteten er berg.
Håland blei truleg rydda i jernalderen (pga. gardsnamn-typen) og står fyrste gongen nemnd i 1594. Håland blei kløyvd i tre gardsbruk i 1620-åra. På denne lokaliteten stod alle husa på Håland i eitt klyngetun fram til rundt 1814. (I eit dokument frå 1817 står denne lokaliteten nemnd som "de gamle tufterne"). Rundt 1814 flytte dei tre bøndene ut til kvar sin kant, og dei nåverande tuna oppstod ("Der nede", "Der aust'e" og "Der oppe").