Beskrivelse fra lokalitet:
Ligg innmed foten av stupet, i ein bølgjedal av ura. Fyrst må ein kliva loddrett ned i ein naturleg synk i dagen, helst med hjelp av eit tòg. Så kan ein krypa vassrett innover eit hôlrom i ura, inst til høgre innmed foten av stupet. Ein kan krypa 4-5 m innover. Der ligg ein stein midt i hôlromet. Før i tida hadde borna moro av å krypa inn der. Vidare gjekk der ein gang mot vest og ein annan gang mot nord som endar med ei jerngrind der det ligg ein stor koparkjel full av sylvpengar, seier segna. Segna seier at ein hund gjekk inn i hôlromet og kom ut att i Hægebostad (men dette er ei vandresegn, og ho blei knytt til m.a. denne staden lenge før jernbanetunnelen blei bygd). Sjølve stupet heiter Hudefjeddet (det kjem av hudå eller huddå eller hulla eller huldra).
Beskrivelse fra Enkeltminne:
Ligg innmed foten av stupet, opp for Nodebakkheddaren. LIgg i ein bølgjedal i ura. Fyrst må ein fira seg loddrett ned i ein stor naturleg synk i dagen. Så må ein krypa vassrett inn inst til høgre innmed foten av stupet, inn i eit hôlrom i ura som går 4-5 m innover. Det ligg ein stein midt i hôlromet. Segna seier at ein hund gjekk inn der og kom ut att i Hægebostad (men dette er ei vandresegn, og ho blei knytt til denne staden lenge før jernbanetunnelen blei utsprengd). Sjølve stupet heiter Hudefjeddet (det kjem av hudå eller huddå eller hulla eller huldra).