Haugen Fetts fk.nr. 1/8 ligg på terrassekanten 9 m SSV for 7. Han er 18 m i tvm. og 2 m høg. Toppen er avskaven mot NV. Haugen er grasgrodd og ein del tilgrodd med kratt. Haugen vart utgraven og restaurert 1882 av A. Lorange. Han var bygd av store steinar under moldblanda sand. På botnen litt O for midten låg ei bålmørje dekt av mindre rullesteinar. Her låg grav 1 som inneheldt ei brend mannsgrav frå eldre jernalder. Grav 2 låg tett utanfor vestre haugkant og inneheldt ei mannsgrav i båt frå yngre jernalder.