Lokaliteten ligg i slakt hellande, nordvestvendt, dyrka mark. Den ligg om lag 30 meter nordvest for dagens E39, og består av eit lag med mørk gråbrun, sandig silt med mørkare parti og noko kol. Heilt nedst i laget er det ei mogleg kolrand. Laget er ca. 10 cm tjukt og i overkant av tre meter langt. Det låg heilt søraust i sjakta, og var synleg i begge profilar, men mest i den nordaustre. Laget tolkast som eit dyrkingslag. Det ligg omtrent 30 cm djupt, under matjorda.
Det vart tatt ei kolprøve frå botnen av dyrkingslaget, som vart datert til høgmellomalderen eller tidleg seinmellomalder (1283-1313 e. Kr., 44,4 % sannsyn, eller 1361-1388 e. Kr., 51,1 % sannsyn).
Lokaliteten er avgrensa av ei moderne grøft samt negativ del av sjakta i nordvest, av ei negativ sjakt i nordaust, ei vassleidning i søraust og ein moderne gardsveg i sørvest.
Lokaliteten ligg på Bjerkeset i Batnfjorden, på gbnr. 33/5. Den ligg omtrent 110 meter vest for Batnfjordsvegen 334, og 49-54 meter over havet (pluss sikringssone). Det er utsikt mot små skogholt og Batnfjordselva mot nord og vest, og elles over ein del av den næraste busetnaden og dyrkamarka.