Eldhus som i 1912 vart flytta og samanbygd med eit nytt vedhus. Eldhuset skal ha vore ei røykstove med 2-romsplan og med ytterdør i det som no er nordveggen. Berre tømmeret i røykstova står att, det tidlegare inngangspartiet er fjerna. Røykstova skal frå fyrst av ha stått på ei flate litt sør for tunet og seinare i det nordvestre hjørnet av dagens tun. Eldhuset har no himling og grue i det nordastre hjørnet. Lafteverket er rundovalt og er delvis profilert med 3 flate renner. I sørveggen er det 2 vindauge. Inngangsdøra er ei fyllingsdør, truleg frå byrjinga av 1800-talet. Bygningen var tidlegare rekna som mellomalder (før 1537).