Los Throndsen med familie slo seg ned på småbruket Ådland på slutten av 1800-talet. Etter at los Throndsen døyde brått vart enkja, Marie, vart sitjande att med 4 ungar, utan pensjon. Eit års tid freista ho å drive garden vidare, men måtte til slutt selje småbruket. Etter salet tok ho seg ei bygseltomt og fekk flytta ei gammal stove frå Sætre i Syvde, Throndsenstova. Her budde ho saman med ungane sine og livnærte seg ved å vaske,
stive og stryke stivatøy til folk. Då ungane vaks til, flytta dei til Bergen og tok seg arbeid der. Etterkvart som Marie vart eldre, vart det vanskeleg for ho å klare seg aleine. Ho flytta derfor til Bergen for å vere nærare borna hennar, men snart lengta ho så fælt tilbake til Eidså og det vesle huset, at dei ikkje såg anna råd enn å kjøpe det tilbake! (etter artikkel av Rasmus O. Sandnes i Tidsskrift for Vanylven sogelag 1986). Huset var også i ein
periode bustad for Frøken Øye, som var jordmor og vert også kalla «Jordmorhuset».