Struktur 12 ligg sør i sjakt 7. Den er ca 0,45 x 0,47 meter i diameter. Fyllet er humus- og sandhaldig med noko kol (lag 1). Det er mørkare og meir kompakt enn det rundt. Strukturen er klårt avgrensa. Det ligg to steinar i strukturen. Under 1-7 cm mørk sandhaldig masse som er noko iblanda matjord og spetta med trekol (lag 1), var lys brun finkorna sandhaldig masse (lag 2). Dette laget låg rundt fleire steinar, og strakk seg om lag 0,2 meter ned i stikket. Rundt lag 1 og 2 er tre ulike lag. Lag 3 er finkorna sand. Lag 4 er gråbrun finkorna sand og lag 5 er grå finmala grus. Laga 3, 4 og 5 er steril undergrunn. Lag 2 inneheld lite humus, men då det tydeleg er ei nedgraving i undergrunnen, representerar truleg struktur 12 eit stolpehol. Steinane i lag 2 kan vera skoningsstein. Lag 1 er truleg del av stolpen. Dette laget er datert til AD 780-890.