Dyrkningsprofil. På toppen finn ein eit lag som er mellom 0,9 og 1,25 meter. Laget er lyst brunt og inneheld mykje stor stein. Lag 2 er rundt 0,1 meter tjukt. Det er eit brunt sandhaldig humuslag. Dette laget sluttar om lag 7 meter mot sør. Det vart funne brent bein og brent leire i dette laget. Lag 3 er rundt 0,05 meter tjukt. Det er eit lyst sandlag. Lag 4 er brunt. Det er mørkare og meir kompakt humushaldig enn lag 2. Det vart funne brent leire i laget. Laget er rundt 0,2 meter tjukt. Lag 5 er eit lyst sandlag, mellom 0,02 og 0,05 meter tjukt. Lag 6 er enno mørkare og meir kompakt enn lag 4. Det er dessutan meir kolhaldig. Også i dette laget var det brent leire. Laget er rundt 0,16 meter tjukt. I botnen er eit lyst sandlag (lag 7). Det lyse sandlaget på botnen er steril undergrunn. Lag 6 er eit dyrkningslag. Dette laget er datert til BC 375-200, førromersk jarnalder (TUa-4898). Det lyse sandlaget som ligg over (lag 5) representerar anten jordsig, eller det er massar som elva har lagt att etter å ha gått over breiddene sine. Lag 4 er også eit dyrkningslag, medan lag 3 truleg representerar det same som lag 5. Lag 2 er eit dyrkningslag. Det øvste laget, lag 1, representerar truleg eit moderne dyrkningslag. All den store steinen i dette laget er rasmassar. I botnen er ardspor.