Bygningen si hovudform er tilnæmra rektangulær med lengdeaksen i nord – sør. Seksjon 1, som har hatt den største tilknyting til Harald Sæverud sitt liv og virke, ligg i den nordvestlege delen av bygningen. Huset er bygd av gråstein og malmfuru. Det er tjærebeisa og har kvitmåla, småruta vindauge. Det flate saltaket tekt med skifer. Bygningen er bygd inn i terrenget, slik at ein frå alle tre høgder kan gå direkte ut i naturen. Materialbruk og plassering gjev bygningen preg av å veksa fram frå fjellet, samstundes som den slutta forma og den balanserte utforminga av fasadane gjev bygningen eit momumentalt uttrykk. I tilhøvet til landskapet og i materialbruken er påverknaden frå Konow Lund og «Bergensskolen» tydeleg.