Funnstaden ligg like ved bekken i det vestlegaste draget. Før var her opparbeidd kulturlandskap med ein mindre husmannsplass i nærleiken. No er det i hovudsak ei steinfylling der ei større steinblokk står igjen. Under denne har ein ein liten hellar på vel 10 m2 der dråpefallet går vel 2 meter ut. Hellaren kan ha vore større, men er i dag sprengt bort. Hellaropninga ligg vendt mot sør-sørvest ut mot området som i dag er beitemark. Hellaren ligg vel 50-80 meter nord for lokalitet 3. Det er tatt eit prøvestikk i lokaliteten. Overflaten er fylt med stein slik at ein vanskeleg kjem ned i grunnen. Lagdelinga viser at ein har eit relativt tynt lag med torv, 3-5 cm. Under dette synest laget vera homogent heilt ned til botn. Her er det brun sand og jord, med spreidde trekolbitar i. Dette laget er vel 50 cm tjukt, og er funnførande.