Tuft I ligg i eit mindre skar rett under den høgste toppen på Bustafjellet på 119 moh (fig. 2.2). Det var ein del nyare skrot ved og i tufta, noko som kan indikere ei relativt nyleg bruk. Det vart stukke med sonderbor både i og utanfor tufta; inga kol eller kulturlag vart påvist. Dei synlege restane etter tufta var ein godt synleg steinmur på ikring 2,2 meter som gjekk frå bergveggen og ut, herfrå var det restar etter mur med inngang som målte ikring 2,5 meter. Bergveggen i nord og ei steinblokk i aust danna naturlege veggar. Det vart ikkje påvist trekol i tufta, så ho vart ikkje datert.