Jernvinneovn S-13.
KHM 2006:
Denne omnen låg sør for tuft S-2, 3 m vest for omn S-10. Det var også etter utgravinga noko usikkert om S-13 faktisk er levningane etter ein omn for jarnutvinning, men slaggutkastet S-12 sør og sørvest for strukturen indikerer at strukturen faktisk er ein omn. Etter avtorving var enkelte horisontalt plasserte heller synleg i dette området. Vidare framrensing og fjerning av malmsøl gjorde at fleire heller kom fram. Til saman danna desse ei tilnærma halvmåneform, med ein ytre diameter på 150 cm og ein indre diameter på 75 cm. Innanfor denne ”halvmånen” låg eit lag med grå, ubrent leire. Denne var blanda med noko kol. Om lag 80 cm sør for det SØ hjørnet av ”halvmånen” var det teikn til tapping, truleg in situ. Det vart ellers ikkje påvist noko slagg frå sjakta (rest av botnskolle e.l.). Hellene låg tilnærma på steril undergrunn, i form av eit tynt (inntil 5 cm tjukt) lag med gråbrun grus, før ein kom ned på svaberget. Det var ikkje teikn til at omnen var forsøkt spadd ned til svaberget.