Slagghaug S-4.
KHM 2006:
Dette utkastet låg ca 10 m ØNØ for tuft S-2, og 5 m V for kolgrop S1. Omn S-9 låg heilt i vestkant av utkastet, noko som indikerer at slagget har vorte kasta mot aust, på flat mark (terrenget heller svakt mot nord her). Utkastet var ovalt i utforminga, med 8 x 5 m som største utstrekking. Djupna var i hovudsak mellom 5 og 15 cm. Volumet er rekna ut til å vere om lag 4,5 m³. Utkastet besto av knust tappeslagg, noko omnsforing og mørkebrun/brunsvart malm med noko kol og sand i. Ein del større steinar låg om lag midt i utkastet. Utkastet er rekna ut til å innehalde om lag 5 tonn masse, korav 2,4 tonn slagg. Ein kolprøve frå strukturen er datert til 775-965 e.kr.