Kokegropa er avdekt halvvegs etter midten og synest vera oval i forma. Den er vel 2,3 m lang og vel 75 cm er synleg i sjakta. Dei totale måla vert då 2,3 x 1,50 m. Anlegget har karakter lik kokegroper kjent frå andre undersøkingar og anlegget vert difor tolka som ei kokegrop. Anlegget ligg isolert frå andre moglege anlegg og er ikkje forstyrra av nyare tids aktivitet. I samband med oppreinsking av kulturminnet vart det konstatert mykje eldskåren stein og trekol i konsentrasjonar under og mellom desse. Den klare konteksten gjorde at det ikkje vart prioritert å gjera ei ytterlegare undersøking av objektet, anna enn å ta inn ein trekolprøve frå nordvestre kant av gropa.