Lokalitet vel 15 moh. Ligg vestvend med ein bratt bergvegg som grense i aust. Området er prega av tilvekst av granskog som dekkjer mesteparten av lokalitetsflaten. Funnførande prøvestikk viste eit flateareal på vel 250 m2. Sju funnførande prøvestikk med til saman fire flintavslag, eitt kjernefragment av flint, 32 pimpstein u/slipespor og ein pimpstein m/slipespor.
Under utgravinga av lokaliteten i 1997 vart det påvist eit kvartsbrot på lokaliteten. Det blei og påvist ein god del avslag samt reiskap i kvarts. Det vart og påvist fleire stolpehol på lokaliteten, datert bronsealder/eldre jernalder. I samband med desse vart det og påvist ei kokegrop. Lokaliteten vart frigitt etter at undersøkinga var avslutta.