Ved etterregistrering av lok 2 på Rong i 2013, vart det påvist ein struktur skildra som ei utflytande pakning med stein som har ein kolkonsentrasjon saman med varmepåverka stein i den austre delen av strukturen. Strukturen er tolka som ei mogleg kokegrop. Kokegropa skjærer ned i steinalderlokaliteten som er avgrensa innanfor hagearealet til gnr.38 og bnr.640. Kokegropa har ei lokalisering nord i hagen og utgjer eit areal på om lag 3x1 m. C14-datering stadfestar periode for bruk av kokegropa til overgangen romertid og folkevandringstid, 250-410 e.kr. (1710+-30BP) og 390-540 e.kr. (1620+-30BP/1650+-30BP).