Det vart påvist ei kolgrop ved registreringa. Kolgropa er radiologisk datert til yngre jernalder, siste del av vikingtid. Kolgropa ligg på ein liten bakkerygg sørvest for sela på Einungstølen, ovanfor skuret som ligg på flata bort mot elva. Kolgropa ligg på dyrka beite inne på Einungstølen på Hauge gnr. 22 bnr. 2. Vegetasjonen består av gras. Kolropa er rund og har eit tverrmål på 4 meter i øvre ytre kant, og 2 meter øvre indre kant. Dette gjev nokså kraftige vollar på gropa. I botn har kolgropa eit tverrmål på 80 cm. Kolgropa har nok vore noko meir markert i terrenget, men er grunna dyrking og beite noko nedsliten i kantane. Vollane har no ei høgd på vel 30 cm. Det vart teke eitt prøvestikk på 30 x 30 cm sentralt i kolgropa. Profilen mot N i prøvestikket viser øvst 10 cm med grastorv. Under det er det eit humushaldig sand-og gruslag med ein del trekol på 5 cm. Under dette er det 10-12 cm kompakt trekollag. Det er teke ut prøvemateriale til datering frå dette laget. Nedst er det brunraud sand og grus, aurhelle.
Synfaring 12.06.2024: Kolgropa er intakt. Geometri korrigert på grunnlag av LIDAR, lokaliteten er forskyve litt sørover