Kolgropa er rund i forma med ein indre diameter på 1,5 meter (målt ca 10 cm over botnnivå). Det er eit i underkant av 10 cm tjukt kollag i botnen. I luftlinje ligg A:10 bort i mot 40 meter NNV for A:8 og 100 - 120 meter SV for A:12.
Kolgropa er rundoval i forma. Indre mål er 2,5 meter i NS retning og 2,0 i AV retning. Djupna er ca 60 cm. Langs kantane i botn er kollaget ca 15 cm, i midten nesten ingenting. Ei svær maurtue ligg nokre meter NNV for kolgropa. Elles ligg denne kolgropa forholdsvis isolert i forhold til andre, næraste er A:10 og A:60, som begge ligg omlag 100 meter frå.
Stein som har vore nytta i ei jernvinne er å finna att i grunnmuren på hytta. Utvendig er det ein stein i N veggen, 40 cm under bordkledningen, som har nokre smeltedråpar på seg, medan det er slagg på fleire steinar inne i kjellarmuren. Grunneigaren kunne ikkje hugsa kvar steinane var funne, men meina at det var i umiddelbar nærleik av hytta, i alle høve innanføre ein radius på 20 - 30 meter. Det vart stukke tett med sonderingsbor, men slagg var ikkje til å påvisa. Kanskje har anlegget lege på hytta si V side og slagghaugen der hytta no står?
Kolgropa er rundoval i forma, har ein låg oppkasta voll rundt og har indre mål på 2,0 meter NS og 1,2 meter AV. Djupn ca 40 cm. Kollaget i botn varierer frå 1 - 5 cm. A:15 er det anlegget som ligg nærast, ca 35 - 40 meter mot SA. Elles ligg A:20 omlag 70 - 80 meter mot SSV.
Kolgropa er heilt rektangulær i forma med markerte vollar langs kantane. Indre mål er 2,0 meter NS og 1,2 meter AV. Utvendige mål er 4,0 meter NS X 3,0 meter AV. Ca 40 cm djup. Kollaget i botn på gropa varierer, men er opp mot 10 cm på det tjukkaste. Kollag i botnen av mila opp mot 10 cm. I vollar og rundt, ljost grått utvaskingslag med raudmold under.
Indre mål på kolgropa er AV 1,8 meter, NS 1,2 meter. Oval i forma. 10 cm tjukt kollag i botn. Vollen rundt mila er svært låg. I tillegg er kolgropa heller ikkje særleg djup, ca 30 cm, så ho er ikkje enkel å få auga på. Me rensa vekk ein heil del smårogn som hadde skote opp inne i kolgropa. Det er kanskje naturleg å sjå A:18 i samanheng med A:19, A:22 - A:27 og A:54. 10 cm tjukt kollag i botnen av kolgropa, elles det same ljose grå utvaskingslaget og raudmolda / sanden som er å finna andre stader over heile området.
Kolgropa er firkanta i forma innvendig, og omgitt av ein kraftig rund voll. Indre mål: 2 x 2 meter. Ytre mål er det doble. Vollen er særs kraftig og breidda er opp til 1,5 meter, medan høgda varierer mellom 50 - 80 cm. Kollag påvist i ytre deler innvendig og er opp mot 15 cm tjukt. Ligg ca 70 - 80 meter frå A:18 og kan tenkjast å ha ein samanheng med denne og resten av anlegga A og S for Røldalstjørn.
Kolgropa er noko firkanta med avrunda hjørner. Indre mål 1,5 x 1,5 meter. Ujamn i djupna pga fururøter. Ca 5 cm tjukt kollag i botn. I NV hjørnet, ved furustammen, ligg ei rektangulær helle, 35 x 50 cm. Ei stor maurtue ligg rett A for kolgropa. Det er omlag 70 - 80 meter NNA til A:14 og same avstand NA til A:15. 5 cm med kol i botnen av mila, elles ljost grått utvaska sandjordslag med raudmold / sand i vollen og rundt.
Kolgropa er heilt rektangulær, har innvendige mål på 2,1 meter NA - SV og 1,1 meter NV - SA. Den er ca 60 cm djup og har eit kollag på opp mot 7 cm i botnen. Markert voll rundt kolgropa.
Kolgropa er rektangulær, og dei indre måla er 1,8 meter A - V, og 1,2 meter N - S, mælt omlag 10 cm over botnen. Kollag på vel 5 cm i botnen. A:22 ligg omkring 20 meter svakt NNV for A:24 (kolgrop)og 35 - 40 meter NNV for A:54 (jernvinneanlegg og slagghaug).