To takberande stolperekkjer, samt veggstolpar. Huset var 19 m langt og 6 m breitt, orientert N-S med rette langveggar og boga gavlveggar. Treskipa langhus, mogleg med leirklint flettverksvegg. Taket må ha vore kledd i eit forgjengeleg materiale. Inngong gjennom austveggen i den nordre halvdelen av huset. Ti takberande stolpar i A-del, alle med skoningsstein. 37 veggstolpar; 11 i V-veggen, 25 i A-veggen, 2 inntrukne stolpar ved inngangspartiet. Del av eldstad N i tufta. Ikkje kulturlag. Funn av brent leirklining.
Mindre markerte groper/ubestemmelege forseinkingar, om lag 185 groper. Opp til 10-12 cm djupe. Forma i overflata varierar; runde, ovale, avlange, firsidige eller uformelege. Ikkje veldig markert fyllmasse; lys sandhaldig. Spreidde funn: flateretusjerte pilspissar i to.
To små groper med raudbrent sand. 45 og 50 cm i tverrmål, om lag 15 cm djupe. Begge var fylt med raudbrent sand. Ikkje trekol. Sanden vitnar om sterk varme, men funksjonen er uviss.
To takberande stolperekkjer. Fire par, alle med skoningsstein. Ingen synlege spor etter veggar, truleg ikkje nedgravde. Ikkje kulturlag. Treskipa, grindbygd hus. Om lag 9 x 5 m. Truleg uthus.
Truleg grophus. NA i feltet. Uregelmessig rektangulær form, orientert NA-SV. Knappe 2 m i V, nærare 3 m breitt i A. Lengd 3,4 m. I V halvdel viste det seg å vera gravd djupare ned. Det ser ut til å vera ein større eldstad eller rest av ei kokegrop (str. 540 B) under sjølve golvflata i grophuset (str. 540A). Str 540B inneheldt mørk grå, kolhaldig, sand. Svært oppløyst kol. Nokre varmepåverka steinar. Mot botnen vart laget gradvis svartare. Over heile og vidare mot A låg det som er tolka som sjølve huset. Mot botn i Str 540A vart det funne eit lite skar av mørk gråsvart asbestmagra keramikk, ca 1x1,5 cm stort, 0,3 cm tjukt. I nedre halvdel av str. 540B vart det funne 5 fragment av brent bein og eit lite flintavslag.