Steinvegger etter jordeplehus, innvendig mål 1,5 x 2 m. Her var altså liggjeplass på jordgolvet til to vaksne. Det var truleg her Leik Torkjelsson Sunde og kona hans busette seg i 1834 medan dei bygde hus. Dei fekk eit barn her, Abraham, f. 1836. Det er uvisst kor mykje dei budde her, for den eldste sonen hans med familie budde jo i hus på Auster Sunde, og det er sannsynleg at Leik med familie også budde meir eller mindre på Auster Sunde. Leik Torkjelsson Sunde d. 1853.
Kolgrop. Mål: 4,5 m i diameter (ytre), 2,5 m i diameter (indre), 0,5 - 0,6 m djup. Kolgropa ligg A for T-merket tursti, og like S for kolgropa R7, Sutarebrekka. Det vart påvist eit omlag 30 cm tjukt trekollag. Vollen er fråværande/utydeleg i A. Nyregistrert hausten 2006.
Slagghaug/jernvinneanlegg. Mål: 7,0 x 6,8 m. Den øvste delen av slagghaugen ligg 8 m V for det sørvestre hjørnet på den steinbua som ligg lengst N på Storrli. Sjølve omnen vart ikkje undersøkt i samband med registreringa i 1989. Slagghaugen er ikkje synleg på overflata. I prøvestikket kunne ein sjå eit 23 cm tjukt slagglag. Her var det også ein del omnsforing. Ei C14-datering av trekol frå lokaliteten ga verdien 2070 ± 70 år før notid, med ei kalibrert datering til omlag år 101 f. Kr. Registrert av L. E. Narmo 1989.
Kolgrop. Mål: 4,5 m i diameter (ytre), 2,7 m i diameter (indre), 0,4 m djup. Det vart tatt eit prøvestikk midt i gropa. Her vart det påvist eit 9 cm tjukt kompakt trekollag. Registrert av L. E. Narmo 1989.