Røys nr. 7 er omlag 12m i tverrmål. I nord er ho overgrodd av mose, eine og gras. Det er ikkje synleg stein her. I midten og sørover er mykje stein kasta ut, det er to synlege søkk, eit i NV og eit i NØ som er grunnare. Røysa er omlag 1,30m høg. Steinane er mellom 20-40 cm lange, nokre større. Største stein er 0,6m.
Røysa har eit tverrmål på omlag 12m. Mykje stein ligg oppe i dagen. I SSV - lege enden er røysa dekt av eine og lyng. Mykje stein er kasta ut frå sentrum, der krateret er 4m i tverrmål og 1,5m djupt. Det er vanskeleg å dømme om høgda fordi landskapet heller mot vest. Eg målte 1,20m i aust og 2,3m i vest. Det veks buskar og lyng i sentrum.
Røys nr. 5: ligg 6m frå røys nr. 2 i retning ØSØ, berre 1m frå røys nr. 4, og ho er, som røys nr. 4, mykje tildekt. Tverrmålet er omlag 5m, og høgda er omlag 0,6m.