Estimert lokalitetsutstrekning er sett til 30m2. Lokaliteten har ikkje status som kulturlagslokalitet. Funnområdet ligg i eit område kor det har blitt tatt ut torv. Det vart prøvestukke slik at overflatefunnet vart innlemma, og det vart påvist ein svak konsentrasjon av funn og vidare nedover i stikket. Funna låg i eit sandblanda moldlag men det vart og påvist funn i ein brun sandhaldig masse djupare nede. Den øvste delen av det funnførande laget kan difor være øydelagt av erosjon. Utover dette er det ikkje observert forstyrrelsar i dei funnførande laga. Begge prøvestikka er avgrensa vertikalt av marin leire. Det vart ikkje funne diagnostisk reiskapsmateriale frå lokaliteten, som totalt består av seks flintavslag. Likevel er funna frå KS9 svært homogene då tre av fire avslag truleg er frå den same flintknollen. Eit flekkelinande avslag frå KS syner spiss plattformvinkel, vingeforma plattformrest , og bruk av direkte hard (knakkestein) slagteknikk. Dette kjenneteiknar ein tidlegmesolittisk reduksjonsteknikk, men er og ein basisteknikk og utelukkar difor heller ikkje andre periodar. Den lokale strandforsyvingskurva for Baraldneset syner at lokaliteten ligg 12,5 meter over tapes maksimum (11,80), dersom lokaliteten er strandbunden gir dette ein svært høg alder. Ut frå ei samla vurdering vert lokaliteten difor datert til tidlegmesolitikum.
Estimert lokalitetsutbreiing er sett til 20m2. Den avgrensa flata er ikkje ein kulturlagslokalitet, det er i tillegg uvisst om deponeringa representerar ein in situ situasjon eller om funnmaterialet er redeponert. Flintavslaga er funne 30 cm under overflata i eit sand og kolhaldig moldlag som ligg på bergflata. Berget skrånar omlag i same retninga som lokalitetsoverflata. Det er ikkje funne tidsdiagnostiske reiskap frå lokaliteten, funnmaterialet er i tilegg svært lite. Eit retusjert avslag har ein jamn fin egg, og er truleg nytta som skrapar. Funnmaterialet er ikkje vassrulla eller påverka av eld. Ut i frå høgde over havet og lokal strandlinjekurve blir den bakre strandlinjedateringa for lokaliteten satt til 5200 BP. Ut frå ei samla vurdering kan ikkej lokaliteten datereast meir presist enn til neolitikum.
Estimert lokalitetsutbreiing er sett til 70m2. Det avgrensa funnførande området har ikkje status som kulturlagslokalitet. Dei to sentrale prøvestikka på lokaliteten har begge markerte og svakt funnførande utvaskingslag. Funnfrekvensen er høgast i eit kolhaldig mørkt sandlag like under utvaskingslaget. Dette laget vantar sentrale kulturlagsindikatorar som feittinnhald, skjørbrent stein og beinfragment. Ein funnkonsentrasjon like under utvaskingslaget er påvist i begge prøvestikka. Materialet frå MT 65 i utkanten av lokaliteten ser også ut til å vere frå eit intakt funnførande lag. Dei funnførande laga på lokaliteten verkar difor ikkje forstyrra av seinare aktivitet. Eit fragment av keramikk er funne i kolprøven frå prøvestikk AN 60. Funnkonteksten til kolprøven reknast for god og indikerar at lokaliteten er frå neolitikum. Funna er elles dominert av bipolar teknikk på eit flintmateriale av svært varierande kvalitet. Flekke og flekkeproduksjon saknast totalt i funnmaterialet. Den bakre strandlinjedateringa for lokaliteten er 5200 BP. Dersom ein nyttar ein jjjjjjjgjmargin på to meter mellom lokalitetane (ca 10) og vassflata vert lokaliteten strandlinjedatert til 4500 BP. Den akseleratordaterte C14 prøven ga dateringa 4195 +-65 BP (TUa-3298). Ut frå ei samla vurdering vert lokaliteten datert til mellomneolitikum A.