Røysa er 11 m i tverrmål og 2 - 2,5 m høg. Ho er bygd av 0,2 - 0,7 m store steinar/blokker, og er noko tilgrodd med mose. I midten av røysa er der eit 2 - 2,5 m vidt og kring 1,3 m djupt søkk. I botnen av søkket er det synleg delar av ei gravkiste, som ser ut til å ha vore kring 2 m lang, orientert NNV-SSO. Nordvestre hjørnet av kista er fortsatt intakt. Her står det to heller på kant. Tett S for desse ligg ei helle som truleg har vore med å danna vestre langvegg i kista. Fire heller som ligg oppå kvarandre i tørrmur, har utgjort sørlege del av vestre langvegg i kista. Ei ståande helle som har danna søre kortvegg, er også synleg.