Beskrivelse fra lokalitet:
Lokaliteten ligg i flatt lende ned mot kaien i Førde sentrum. Området ligg like sør om gards-vegen opp til Fjørtofthuset. Området er gamalt åkerland, mellom 3,5 og 5 meter over havet. Ei samling med 8 anleggspor sett på som kokegroper ligg i nordvestre del av marka som strekk seg frå den gamle butikken i Førde sentrum og opp til vegkrysset med lensmannskontoret. Området er i dag ikkje dyrka, men nytta som slåttemark for grasproduksjon og beite.
Beskrivelse fra Enkeltminne:
Det er lite drenering av området, då det er sandbotn under jordlaget. Funna ligg i nordre og nedre del av ei 25 meter lang sjakt med ei snitt breidd på 4,5 meter. Området med kokegropene vart utvida og det vart i nordre del opna eit område på 100 kvadratmeter.I sjakta er det synleg spor etter ei nyare drenering/kloakkgrøft i området. Resten er i alt 8 groper av ulik storleik. Desse er gjeve intern nummerering frå A6 - A13. Den interne lokaliseringa viser at A7, 8, 9, 10 og 12 ligg tett saman i ein konsentrasjon, medan A6 og 11 ligg for seg sjølv. Det vart tatt ut trekol til radiokarbondatering frå kokegrop A10, som gav 1690 +/- 70 14C år (T-14515). I kalenderår stammer trekolet frå år 255 -425.