Lokaliteten vart påvist ved hjelp av i alt 14 funnførande prøvestikk, og lokaliteten utgjer om lag 700 m2. Storparten av lokaliteten verkar uforstyrra der funna er gjort i eit lag beståande av skifrig grus iblanda jord og sand. Dette byrjar om lag 20 cm under botn av torvlaget. Unnataket er lengst søraust på lokaliteten, der er massane meir forstyrra og det er funn av moderne glas og tegl og arkeologiske artefakter i samme lag. Det er gjort funn av avslag, kjerner og kjernefragment i flint og kvarts, samt ei tangepil i flint.