Lokaliteten er teikna i flate og fotografert. Vidare er det funnførande prøvestikket dokumentert i profil. Sjå teikning av lokalitet 9 der 11 ligg like ved. Stratigrafien på lokaliteten er tredelt. Her har ein først eit lag på vel 12 cm. med torv. Deretter kjem eit 15 cm tjukt lag med jord og sand. Under dette (lag 3) er det eit lag med vitra stein. lokaliteten ligg nede i eit smalt daldrag og området har truleg vore intensivt nytta som veg til løa (lok 50) som ligg kant i kant. Dette har truleg forstyrra stratigrafien ein del. Råstoffbruken på lokalitet 11 er kvarts, der ein har ei smalflekke. Lokaliteten ligg vel 12 meter over havet. Avgrensinga både gjennom topografi og prøvestikk viser at lokaliteten er liten. Ein har her truleg ein lokalitet med spor etter eit kort opphald.