Det funnførande prøvestikket på lokaliteten viser ei noko komplisert lagdeling. Lag 1 er 10 cm. med laus torv - mest lyng og grasrøter. Under dette kjem eit kompakt lag av våt torv. Lag 3 viser eit tørt lag med torv og noko trekol. Lag 4 er eit 4 cm tjukt sandlag blanda med trekol. Under dette kjem det fleire homogene sandlag som er skilt på grunn av farge. Det nedste laget lag 7 er kompakt leire. Det er gjort eit funn i lag 3 og 4. Dei ni andre prøvestikka rundt viste seg å vera funntomme og dei hadde heller ikkje noko spor etter lag med trekol. Dette gjer at stratigrafien på lokaliteten vanskeleg å tolka. Det vart observert kolhaldige linser i det funnførande prøvestikket. Flinten vart likevel ikkje funne i samband med denne og kan såleis ikkje knytast eit eventuelt kulturlag. Funnet av eit flintavslag viser og at det her er ein liten lokalitet, truleg av nyare dato. Undersøkt av Bergen Museum i 1997 ved prøvestikking. Ingen fleire funn vart gjort.