Det vart i 1996 tatt 2 prøvestikk på lokaliteten, eit er tatt inne i rommet og eit er tatt utafor steinane. Prøvestikket med trekollag er dokumentert gjennom teikning. Lokaliteten er som eit heile dokumentert gjennom teikning i skala 1:100. Det er tatt ein kolprøve Beta-100873 for radiokarbondatering av laget. Stratigrafien viser at kollaget ligg svært djupt. Eit prøvstikk utafor steinane viser at kollaget (lag 3) er avgrensa til området under henget, det er meir uvisst om det strekker seg inn under steinblokkene. Lokalitetsområdet er lite og godt verna av steinblokkene kring. Ein har såleis ei relativ uforstyrra lagdeling. Lokaliteten er spesiell i og med den markerte avgrensinga ein har av kollaget. Ein kan nærast sjå hellaren som ein opphaldsplass/buflate. Dateringa viser at aktiviteten kan knytast til slutten av eldre jernalder. C14-prøva vart datert til 1610 +/- 80 BP.