I samband med arbeid i Kvam vart det på vegen gjort ei synfaring av gravearbeid på Kollanes. Dette arbeidet var ikkje kjent av fylkeskommunen og sidan det er kjent eit funn frå staden (B 9698) gjekk underteikna bortom. Arbeidet var då stansa i samband med ferieavviklinga. På staden var det gravd opp fleire grøfter og lagt ned røyr og leidnningsnett. Dette var ikkje ferdigstilt og feltet låg oppe. I ei sjakt vart det registrert store mengder trekol i profilen og ei enkel oppreinsking av grøftekanten viste at tiltaket hadde skore igjennom 2 til 3 kokegroper. Desse var av ein slik karakter at dei mest truleg var førreformatoriske. Det viste seg at det i området var fleire anlegg av same karakter. Her vart i alt observert 10 anlegg av ulik karakter, nedgravingar, kokegroper og åkerlag vart påvist. Anlegga ligg på det høgaste av området i eit avgrensa område ut i frå det avdekka området. I foten av haugen er det observert eit kraftig kolhaldig lag som mest truleg kan tolkast som eit åkerlag. utstrekninga av denne er meir uviss og truleg går den lenger mot nord. Anlegg/strukturar: nr. 1 - kokegrop (trekol og eldskåren stein), nr. 2 - kokegrop (2 meter tvm), nr. 3 - nedgraving (difus/uviss), nr. 4 - kokegrop (stein, trekol), nr. 5 - kokegrop (ligg i nordre profil), nr. 6 - stolpehol (vel 30 cm. tvm), nr. 7 - stolpehol (vel 30 cm. i tvm), nr. 8 - kokegrop (ligg i profil), nr. 9 - åkerlag? (uvisst), nr. 10 - kokegrop (profil kommunegrøft), nr. 11 - groper/ deponeringslag (profil kommunegrøft)