Beskrivelse fra lokalitet:
Brudledet er på 16 steinar i år 2007. Segna seier at alle deltakarane i brudefølgjet omkom. For å koma til brudle, må ein gå langs ein gamal stig. Denne stigen går frå gruvetippen og vidare nesten vassrett eller litt nedover (mykje lågare enn det gule gruveskiltet) for så å stiga litt, og etter 370 m rekna frå gruvetippen kjem ein fram til brudle. Stigen var ei strekning av den gamle prestevegen mellom Bjelland prestegard og Åseral anneks fram til 1840. Brudle ligg 65 m etter at ein har kryssa eit ørlite dalsøkk. Brudle ligg 20 m ovanfor (sør for) stigen. Langs stigen er det då att 280 m til steinbrua ved det attgrodde dyrkingsfeltet Gråstadmyrè. Det er sett opp skilt ved brudle.
Beskrivelse fra Enkeltminne:
Utgangspunkt: Gruvetippen. Følg gamal stig (denne stigen går vassrett eller litt ned, og han ligg mykje lågare enn det gule gruveskiltet oppe i lia, men stigen stig deretter litt oppover). Etter 450 m langs stigen, rekna frå steintippen, kjem ein fram til eit punkt der ein så vidt kan sjå brudle som ligg på eit berg 20 m ovanfor (sør for) stigen. Om ein har følgt stigen rett, har ein for 65 m sidan kryssa eit lite dalsøkk. Frå punktet i stigen, 20 m nord for brudle, er det att 280 m langs stigen fram til steinhellebrua ved det attgrodde nydyrkingsfeltet i Gråstadmyrè. Brudledet er ikkje berre på 16 steinar, men på 18 steinar! Men det stemmer at det vender nord-sør. Segna seier at eit brudefølgje fraus i hel her. Der skal vera éin stein for kvart menneske i brudefølgjet. Grunneigaren har sett opp eit raudt skilt som viser Brudle.