Mot sør er lokalitet 2 avgrensa av vegskjeringa ved gangvegen langs fylkesvegen. Hovedkonsentrasjonen av funn, representert ved prøvestikka AR3, AR4, TEL36 og TEL37, er gjort på flata rett nord for vegen. Her dannar steile berg naturleg avgrensing mot aust (merk likevel at eit avslag er påvist i TEL38 som ligg på ei berghylle). Steile berg dannar også avgrensing mot nordvest (ved TEL37). I sørvest utgjer ei bergskråning med lågt overdekke av lyng og utan lausmassar avgrensinga. Det er også funn i prøvestikka TEL 35 og AKS 15 i eit smalt og lite daldrag nord for AR3. Daldraget går etterkvart over i ein vidare dal. Her er enkelte funnførande prøvestikk som AR5, TEL32 og TEL39. Mot nord avgrensast lokaliteten mot lokalitet 3 av tre negative prøvestikk (AR6, TEL34 og TEL41). Lokaliteten er om lag 1250 m2 i utbreiing.