Lokaliteten ligg i terreng som skrånar svakt mot aust. Mot nord er lokaliteten avgrensa av ein markant høg bergvegg som mot aust etterkvart går over i lågare berghyller. Mot sør vert den avgrensa av eit lågare bergsva som er delvis lyngkledd. I aust splittast lokaliteten i to greiner av eit aust-vest-gåande svaberg. I vestenden av svaberget står ei einsleg furu. På nordsida av svaberget er det funnførande prøvestikk eit godt stykke austover. Det negative prøvestikket AR10 avgrensar her det austlegaste funnførande stikket TEL62.På sørsida av svaberget går ikkje funna like lang mot aust. Dei negative prøvestikka AKS26, TEL63 og TEL64 avgrensar her AKS25 som er det austlegaste funnførande. Mot vest er lokaliteten avgrensa av to negative prøvestikk i TEL54 og TEL55. Arealet til lokaliteten er om lag 1200 m2.