Ved registreringa vart det gravd i alt ti prøvestikk. Sju av desse var negative medan det vart gjort funn i tre prøvestikk. Dei tre funnførande prøvestikka ligg samla i sørenden av planområdet. Stratigrafien til dei tre funnførande prøvestikka er einskapleg. Stikka går om lag 60 cm djupt og endar på fjell. Dei øvre 40 cm er matjordlag (stratigrafisk lag 1). Dette laget er torvig og med lågt innhald av lausmassar, og virkar berre i liten grad å vere omdanna og pløyd. Laget inneheld ein del moderne avfall som glas og tegl. I følgje grunneigar Liv Unneland skal det ha vorte kasta avfall over markane opp gjennom åra, men ho kjende ikkje til at her skulle vere påført massar. Det eine avslaget frå PS8 og dei to avslaga frå PS9, bøttelag 1 kan til liks med dei moderne avfalla vere sekundert tilført staden. Under matjordlaget, om lag frå 40 til 60 cm under overflata er eit lag av grov sand og grus (stratigrafisk lag 2). Funna her virkar å vere in situ. Lokaliteten er mot sør avgrensa av grensa til tiltaket. Denne grensa går inntil ein traktorveg som går i aust-vest retning over marka. Det virkar sannsyleg at lokaliteten held fram vidare sørover for planområdet, men det er ikkje gravd prøvestikk her for å avklare dette. Mot aust er grensa sett til der vegfyllinga til bilvegen byrjar. Lokaliteten kan fortsette under vegfyllinga, men her var ikkje mogleg å kome til med prøvestikk. Mot nord avgrensast lokaliteten av det negative prøvestikket PS7. Mot vest er grensa sett i eit søkk. I søkket er gravd eit negativt prøvestikk (PS5). Massane i søkket er torvig masse lik stratigrafisk lag 1 i dei funnførande prøvestikka, men her manglar eit lag som svarar til sand- og gruslaget (str. lag 2). PS. Sjå seinare merknader med omsyn til endring av lokaliteten si utstrekning. Ut frå topografien på staden er det sannsynleg at lokaliteten har skråna ned mot dåverande strandlinje mot nordaust. Ein kan heller ikkje utelata moglegheita for sig.