På lokaliteten er det registrert 3 tufter og 13 kolgroper/kokegroper. Dei registrerte kulturminna ligg på tørre koller og flater opp frå den store myra vest for Kvitlaelva. I alle tuftene og kolgropene er det påvist trekollag. Det vart teke prøvestikk i tuft I og II, samt kolgrop 2. Det vart gjort gjenstandsfunn i tuft I som tidfestar bruken av tufta til merovingertid/vikingtid. Under det funnførande laget i tuft I er det ein eldre bruksfase.