Lokaliteten ligg på ei høgd mellom lokalitet 5 i nordvest og lokalitet 6 i søraust. Flata skrår svakt mot Kvernavika i nordaust, men siste stykket framfor lokaliteten og ned til vika er bratt og uferdsamt terreng. Det er slakare skråningar både mot aust og vest. Det veks lyng og einebusker på flata. Einene er særs dominerande og opp mot meteren høge, og dette gjer det vanskeleg å få inntrykk av flata sine eigentlege konturar. Det er gravd seks prøvestikk i tilknyting til lokaliteten. Tre av desse gav funn. Eit fjerde prøvestikk er også rekna som positivt på bakgrunn av at det har eit kolhaldig lag. Arealet er om lag 500 m2.