Beskrivelse fra lokalitet:
I området er det ein del granskog med spreidde lauvtre, einer og lyng, men også større samanhengande parti tett og snau grasbakke. Eit karakteristisk trekk ved området er dei til dels store steinkonsentrasjonane av ulik form, og som ligg meir eller mindre spreidd oppover lia. Desse store steinrøysene er knytt til innmarksområdet og skuldast verksemd med å dyrka opp området. I vestre delen av reguleringsområdet er det eit område som, etter planen, skal leggast ut som leikeområde. I området er det tett markvegetasjon omkransa av krattskog. Markvegetasjonen, grasenga, er inngjerda i nord og vest av låge, enkle steinrekker. Nedanfor grasenga, i sør og aust, ligg det tre mindre rydningsrøyser. Desse tre rydningsrøysene er lagt fint opp, og er plassert på låge bergkollar som stikk opp av skogsbotnen. I dette området, med låge steinrekker og rydningsrøyser og med fornminne like ved, kan oppdyrkingsfasen førast tilbake til førhistorisk tid.
Beskrivelse fra Enkeltminne:
Låg gravrøys. Ligg i krattskog av einer, bjørk og gran på ein bergrygg i vestre del av reguleringsområdet. Fin utsikt over Sognefjorden i SSA. Røysa ligg 50 m NA for R nr. 1, og ca 40 m N for vegen. Det er ei tørr, låg røys. Den er lagt opp av hovudstor elvestein med enkelte større steinar innimellom. Ein del einer veks på røysa. L. 5 m, H 0,4 m.