Lokaliteten ligg på ein NV-SA gåande terrasse øverst i ei lita vik nordaust på Bjånesøya (sjå vedlegg 3). Lokaliteten avgrensast i SV av ei bratt helling oppover. Likeins i NA av ei helling nedover mot sjøen. Buplassen ligg godt i le frå nord og vest, og har ved høgare vannstand hatt ei god lun vik i austleg del (sjå vedlegg 3 og 5) . Buplassen ligg på frå ca. 12 til 14 meter over havet og har ein utstrekning på ca. 25 meter NV-SA og ca. 15 meter SV-NA (ca. 375 m2). Det vart totalt tatt 8 prøvestikk på lokaliteten, hvorav 5 var positive. Dei positive prøvestikka er konsentrert i den NV delen av terrassen. Vidare mot NV er lokaliteten avgrensa av eit område med store steinblokker som er dekte av lyng. NA for terrassen er eit svakt hellande søkk i terrenget. Her er eit positivt (TEL 8) og eit negativt (TEL 10) prøvestikk. I SA er lokaliteten avgrensa av to negative stikk (TEL 4 og 7). Terrassen har vegetasjon av lyng, mose, gras og brake. I området mellom TEL 9, 10 og MS 11 veks det dessutan tett lauvskog