Beskrivelse fra lokalitet:
Dyrkingslaget ligg på gnr. 65 bnr. 1 Audnaland, i retning nordaust-sørvest. Sjakta var 30,5 m lang og 3,5 m brei, og mellom 50 cm -1 m djup. Sjakta låg på dyrka mark/beitemark, like nedanfor ein terrassekant, og grunnen hella svakt mot nordaust.
Beskrivelse fra Enkeltminne:
Under torvlaget ligg eit 20-55 cm tjukt, lys brunt dyrkingslag med noko opptil nevestor småstein og spreidde trekolbitar (lag 2). Under dette moderne dyrkingslaget ligg eit 20-30 cm tjukt, svart/mørk brunt, feitt lag med mykje trekol, som fekk ei datering til eldre bronsealder (lag 3). Både lag 2 og lag 3 tjuknar mot nordaust. Utstrekninga til lag 3 går frå vestre hjørna av sjakta og halvvegs ut i sjakta i plan. Frå om lag 12 m frå sørvestre ende går dyrkingslaget over heile sjaktflaten, for så å verte oppstykka og til slutt opphøre ca 23 m mot nordaust. Under lag 3 ligg gulbrun aur med mykje nevestor stein, og med felt av grågul leire/siltblanda masse innimellom (lag 4). Mot den nordaustre enden av sjakta er det mykje stor stein, 30-40 cm diam. Dyrkingslaget dekkjer eit område på omlag 500 m2.