Samlinga måler 50 x 12 m, orientert aust-vest.Røysa, Fetts fk.nr. 3/1, som vert kalla Bjørkhaugen, ligg lengst V innan samlinga heilt på kanten av terrassen før lendet hallar mot vegen. Ho er 12 m i tverrmål og omlag 1 m høg. Ho er tilgrodd med gras og mindre lauvbusker, men det stikk ein del mosegrodde 0,2-0,3 m store steinar/blokker i dagen. I midten av røysa ligg det oppkasta ein del stein, som ser ut til å vere av nyare dato. Langs kantane av røysa veks ein del større lauvtre. Området like aust for røysa vert nytta som lagerplass for trematerialar.Omlag 23 m aust for røysa ligg ein haug. Haugen er vanskeleg å avgrensa då det er mogeleg at han ligg oppå ein liten kolle, som det har vore dyrka heilt inntil. Når ein ser haugen frå N, der steingarden går, verkar han heilt låg. Han er omlag 12 m i tverrmål. I midten av haugen stikk det opp 4 steinblokker, omlag 0,3-0,4 m store, tildels mosevaksne.