WP 023. Bogestelle. Ligg i ura, ca 10 meter nedanfor hellaren (WP 022). Bogestella er mura opp inn til store steinblokker. 4 meter lang og 1 meter breid. 0,5 - 1 meter høg. Delvis innrasa. Bogestella vender mot det smale "eidet" mellom fastlandet og Dyranes. Bogestella er svært tydeleg etter som det ligger i reguleringssona i Bjølsegrøvatnet og murane er urtvaska. Fast og god botn innvendig. Ligg strategisk til når dyra trekker A-V over Dyraneset. Høgfjellsterreng. Flatare gras, lyng og einergrodd "eide" mellom fastlandet og Dyraneset som stikker ut i Bjølsegrøvatnet. Markert terrengformasjon (smalt eide). Morenemassar på heile "eidet". Bratte bergveggar på begge sider av "eidet". Bjørkaviki, den N vika, går heilt inn til bogestella. Vatnet er regulert. Ved full vasstand ligg vasspegelen ca 1 - 2 meter over bogestella. Ved registreringa var vatnet mykje nedtappa, med vasspegelen ca 1 meter 2 meter lågare enn bogestella. Bogestella ligg i ura nedom bergalaget som strekker seg NNA-SSV på fastlandsida av "eidet" på Dyraneset.