Lokaliteten ligg 15 moh, sørvest for Innværfjorden og like sør for RV 541. Flata er avgrensa av ein grusveg i aust, og i sør og vest av fallande terreng og berg i/nært i dagen. Lokalitetsflata er orientert i retning aust-vest. Ei vurdering av utstrekninga til lokaliteten, basert på topografi og funnførande prøvestikk, gir ei mogleg utstrekning på omkring 450 kvadratmeter. Funnmaterialet peikar mot ei datering innanfor spennet av mellommesolittisk og tidlegneolittisk tid - det kan dreie seg om ein fleirfasa lokalitet.