Lokalitet 3 er ein heller på austsida av Stongarvågen. Kulturminnet er påvist, men ikkje ferdigdokumentert. Helleren måler om lag 25 x 10-11 meter, nordvest-søraust. I nord, sør og vest er helleren avgrensa av skrånande terreng, medan bergveggen ligg mot aust. Det vart grave to prøvestikk i helleren, begge innanfor dråpefallet. Berre det sørlegaste av stikka var funnførande. Her vart det funne seks avslag flint. Ingen av funna gjev nokon sikker indikasjon på alder, anna ein til steinalder generelt. Men med omsyn til høgda over havet, skulle ein kunne tru at kulturspora i denne helleren var eldre enn på Lok. 1 og Lok. 2. Ser ein på strandlinekurva for området, vil ei datering til ca. 7500-7000 år før notid vere sannsynleg.